ABŞ prezidenti Donald Tramp üçüncü dünya ölkələrindən ABŞ-a immiqrasiyanın qeyri-müəyyən müddətə dayandırılacağını bəyan edib. Vətəninfo.az xəbər verir ki, dövlət başçısı bu barədə paylaşımı Truth Social platformasında edib.
Tramp bildirib ki, ABŞ immiqrasiya sisteminin tam bərpasına imkan yaratmaq üçün bu addımı atmaq niyyətindədir. O, həmçinin keçmiş prezident Co Bayden administrasiyası tərəfindən verilən “milyonlarla qeyri-qanuni giriş icazəsini” ləğv edəcəyinə söz verib.
“ABŞ sisteminin tam bərpa olunması üçün bütün üçüncü dünya ölkələrindən immiqrasiyanı dayandıracağam. Baydenin imzaladığı milyonlarla qanunsuz giriş icazəsini ləğv edəcəyəm. Ölkəmizə xalis faydası olmayan, federal qaydaları poza bilən, daxili nizamı pozan və ya ictimai təhlükəsizlik üçün təhdid yaradan xarici vətəndaşlar deportasiya olunacaq”, – Tramp vurğulayıb.
