Portuqaliya millisinin və "Əl-Nassr"ın hücumçusu Kriştiano Ronaldo WOWfc döyüş promosyonunun ortaq sahibi olub.
Publika.az xəbər verir ki, bu barədə liqanın mətbuat xidməti məlumat yayıb.
"Biz eyni dəyərləri paylaşırıq. Mən bu layihənin bir hissəsi olmaqdan qürur duyuram. Bu, idmanın inkişafına kömək edir və gələcək nəsli ruhlandırır", - deyə futbolçu bildirib.
İkinci həmmülkiyyətçi yüngül çəkidə məğlub olmayan Ultimate Fighting Championship (UFC) çempionu İlia Topuriadır.
Ronaldo milli komandaların, Avropa Çempionatlarının və Çempionlar Liqasının bütün zamanların ən yaxşı bombardiri və rəsmi oyunlarda 900 qola çatan ilk oyunçudur. Portuqaliyalı 5 Çempionlar Liqası, 2016-cı ildə Avropa Çempionatı və iki dəfə UEFA Millətlər Liqasının qalibi olub.
