Çempionlar Liqasının ümumi mərhələsində keçirilən ev oyununda “Liverpul” sensasion şəkildə “PSV”yə 1:4 hesabı ilə məğlub olub.
90deqiqe.Az-ın "Opta Sports"a istinadən məlumatına görə, bu nəticə mersisayd klubunun 72 ildən bəri qeydə alınmış antirekordunu təkrarlayıb.
Belə ki, “Liverpul” ilk dəfə 1953-cü ildən sonra ardıcıl üç matçda 3 və daha çox top fərqi ilə uduzub. Xatırladaq ki, komanda bundan əvvəl Premyer Liqada “Mançester Siti” və “Nottingem Forest”ə 0:3 hesabı ilə məğlub olmuşdu.
Premyer Liqada Arne Slotun rəhbərliyi altında komanda 12 turdan sonra 18 xal toplayaraq turnir cədvəlinin cəmi 9-cu pilləsində qərarlaşıb.
