BAKI, 27 noyabr. TELEQRAF
İngiltərə "Liverpul"u ötən gün UEFA Çempionlar Liqasının V turu çərçivəsində evdə Niderlandın PSV klubuna böyük hesabla uduzub - 1:4.
Teleqraf xəbər verir ki, bu, Mersisayd təmsilçisinin cari mövsümdəki 10-cu məğlubiyyəti olub.
Arne Slotun rəhbərlik etdiyi kollektivin ötən mövsüm uduzduğu oyunların sayı 9 idi.
"Qırmızılar" həmçinin 1992-ci ildən bəri ardıcıl üç oyunda 3 və daha çox qol buraxır. Komanda daha əvvəl İngiltərə Premyer Liqasında "Nottingem Forest"lə "Mançester Siti"yə 0:3 hesabı ilə uduzub.
Qeyd edək ki, "Liverpul" Çempionlar Liqasının əsas mərhələsinin sonuncu - VIII turunda "Qarabağ"ı qəbul edəcək. Görüş gələn ilin yanvarın 28-də keçiriləcək.
