Noyabrın 26-da Bakı Slavyan Universitetində (BSU) “Prezident İlham Əliyevin AMEA-nın 80 illik yubileyində etdiyi nitqindən irəli gələn məsələlərə dair elmi müzakirələr” silsiləsinin ilk tədbiri baş tutub.
QHT.az xəbər verir ki, bu barədə BSU-nun rektoru Anar Nağıyev məlumat verib. Onun sözlərinə görə, “Qərbi Azərbaycan məsələsi təhsil və elmdə” mövzusuna həsr olunan müzakirə BSU-nun təşkilatçılığı və Qərbi Azərbaycan İcması ilə birgə keçirilib. Tədbirdə tanınmış ziyalılar, millət vəkilləri, Qərbi Azərbaycan İcmasının təmsilçiləri, qeyri-hökumət təşkilatlarının rəhbərləri, eləcə də universitetin professor-müəllim heyəti və tələbələri iştirak ediblər.
