Redaktor.az saytından verilən məlumata görə, ain.az xəbər verir.
Pekan qozunun müntəzəm və ölçülü şəkildə qəbulu “pis” xolesterinin səviyyəsini aşağı sala və maddələr mübadiləsini yaxşılaşdıra bilər. Bu qənaətə İllinoys Texnoloji İnstitutunun tədqiqatçıları gəlib.
Redaktor.az xəbər verir ki, araşdırmanın nəticələri "Nutrients" jurnalında dərc olunub.
Alimlər insanların müasir qidalanma vərdişlərini əhatə edən 52 araşdırmanın nəticələrini təhlil ediblər. Meta-analiz göstərib ki, gündəlik qəlyanaltıların bir porsiya pekanla əvəz edilməsi lipid profilini və ümumi qidalanma keyfiyyətini yaxşılaşdırır. Mütəxəssislərin sözlərinə görə, pekan doymamış yağlar, lif, minerallar, polifenollar, tokoferollar və fitosterollarla zəngindir və bu komponentlər ürək sağlamlığı ilə əlaqələndirilir.
Təcrübələr göstərib ki, gündə 30-70 qram pekan qəbulu ümumi və “pis” xolesterin, həmçinin triqliserid səviyyələrini ən effektiv şəkildə azaldır. Bundan əlavə, iştirakçıların Bəslənmənin Sağlamlıq İndeksi (Healthy Eating Index) üzrə nəticələri də yaxşılaşıb. İştirakçıların bədən çəkisi isə tədqiqatlar boyunca demək olar ki, dəyişməyib. Bir sıra təcrübələrdə toxluq hissinin artdığı və iştaha hormonlarında dəyişikliklərin müşahidə edildiyi də qeyd olunub.
Pekanın qlükoza səviyyəsinə, insulinə həssaslığa, iltihab göstəricilərinə və damar funksiyasına təsiri ilə bağlı nəticələr qeyri-bərabərdir: müxtəlif araşdırmalarda təsir həm müsbət, həm də neytral olub. Koqnitiv funksiyalarla bağlı məlumatlar da hələ təsdiqlənməyə ehtiyac duyur.
Alimlər bildirirlər ki, pekan lipid profilinə müsbət təsir edə biləcək faydalı qida komponentidir, lakin bu məhsul “möcüzə vasitəsi” deyil. Müsbət effekt yalnız balanslaşdırılmış qidalanma və kalori nəzarəti ilə birlikdə özünü göstərir.
Bundan əvvəl alimlər müəyyən etmişdilər ki, qovrulmuş yerfındığı yaddaşı və beynin qan təchizatını yaxşılaşdıra bilər.
Nuriyyə NATİQQIZI
Hadisənin gedişatını izləmək üçün ain.az saytında ən son yeniliklərə baxın.
