BAKI, 26 noyabr. TELEQRAF
Bu gün Bakının bəzi ərazilərinin qaz təchizatında fasilə yaranacaq.
Teleqraf xəbər verir ki, bu barədə Azəriqaz İstehsalat Birliyi məlumat yayıb.
Yasamal rayonunda qaz xəttinin yerinin dəyişdirilməsi məqsədilə bu gün saat 10:00-dan etibarən qaz təchizatı dayandırılacaq. Ə. Əhmədov, D.Bünyadzadə küçələrinin və Kənar Dairəvi yolun qaz təchizatında müvəqqəti fasilə yaranacaq.
"Qaz ixrac" idarəsi tərəfindən yeni çəkilmiş kəmərin mövcud şəbəkəyə qoşulması ilə bağlı bu gün saat 09:00-dan işlər başa çatanadək "Baş Ələt" ölçü qovşağından
qaz təchizatı dayandırılacaq. Təmir işləri aparılan müddətdə Qaradağ rayonu, Ələt qəsəbəsinin, Kötəl ve Şıxlar yaşayış massivlərinin qaz təchizatında müvəqqəti fasilə yaranacaq.
