Ayna saytına istinadən ain.az xəbər verir.
İnvestisiya layihəsinin dəyəri 300 milyon dollardır
Qazaxıstan Aktauda yeni dəniz limanı tikməyi planlaşdırır. AYNA.AZ qazax mediasına istinadən bildirir ki, bu barədə hökumət iclasında Manqistau vilayətinin akimi Nurdaulet Kilıbay məlumat verib.
Onun sözlərinə görə, investisiya layihəsinin dəyəri 300 milyon dollardır. Çinin “Zhongyun International” şirkətlər qrupu tərəfdaşdır. İnvestor artıq şirkəti regionda qeydiyyatdan keçirib və İnvestisiya Sazişinin imzalanması üçün sənədlər hazırlayır.
"Layihə yeni beynəlxalq nəqliyyat dəhlizinin: Çin – Qazaxıstan – Aktau – Bakı – Poti – Avropanın formalaşmasına kömək edəcək", Kilıbay qeyd edib və bildirib ki, onun tətbiqi yüklərin çatdırılma müddətini 7-15 gün azaldacaq, nəqliyyat xərclərini 18-25 faiz azaldacaq və yeni iş yerləri yaradacaq.
Qazaxıstanın nəqliyyat naziri Nurlan Sauranbayev isə Çinin “Lianyungang” şirkəti ilə birgə Aktau limanında konteyner mərkəzinin tikintisinin birinci mərhələsinin ilin sonuna qədər başa çatacağını açıqlayıb.
"Ümumilikdə, layihə başa çatdıqdan sonra konteyner mərkəzinin gücü ildə 200.000 TEU-ya qədər artırılacaq. Aktau limanında liman sularının dərinləşdirilməsi və körpülərin modernləşdirilməsi layihələri də davam edir", - Sauranbayev bildirib.
Sonrakı hadisələr barədə daha çox məlumat almaq üçün ain.az saytını izləyin.
