Günümüzdə yuxusuzluq insanların ən böyük problemlərindən biridir.
Sitat.info xəbər verir ki, dərin və keyfiyyətli yuxu üçün bir neçə məqama diqqət yetirmək və bu qaydalara əmək etmək lazımdır.
Yuxu rejimini mümkün qədər sabit saxlayın, hər gün eyni vaxtda yatıb qalxmağa çalışın. Bu, bədən saatınızın düzgün işləməsinə və yuxunun keyfiyyətinin artmasına kömək edir.
Yuxu mühitini optimallaşdırmaq da çox önəmlidir. Otağın qaranlıq, sakit və sərin olmasına diqqət yetirin; ideal temperatur 18–21°C civarında olmalıdır. Rahat yataq və yastıq seçimi də yuxunun dərinliyini artırır.
Yatmazdan əvvəl elektron cihazlardan uzaq durun. Telefon, planşet, TV və kompüterin yaydığı mavi işıq melatonin hormonunun ifrazını azaldır və yuxuya gecikməyə səbəb olur.
Gündəlik vərdişlər də yuxu keyfiyyətinə təsir edir. Günortadan sonra kofein və enerji içkiləri qəbul etməyin, alkoqol və siqaret isə yuxunun dərinliyini pozur.
Orta səviyyədə fiziki fəaliyyət yuxunu yaxşılaşdırır, lakin yatmazdan əvvəl ağır məşqlərdən çəkinmək lazımdır. Həmçinin, dərin nəfəs alma, meditasiya, yüngül uzanma hərəkətləri və isti duş sinir sistemini sakitləşdirərək yuxuya keçidi asanlaşdırır.
Gündüz uzun yuxu yatmaq gecə yuxusuna mənfi təsir göstərə bilər. Bunları tətbiq etməklə yuxunuz daha dərin və bərpaedici olacaq.
Nigar,
Sitat.info
