BAKI, 25 noyabr. TELEQRAF
Qazaxıstan Prezidenti Kasım-Jomart Tokayev ölkəsində səfərdə olan Türkmənistan Prezidenti Sərdar Berdiməhəmmədovu “Qızıl Qartal” ordeni ilə təltif edib.
Teleqraf xəbər verir ki, bu, liderlərin Astanada keçirilən görüşündə baş verib.
“Cənab Prezident, Qazaxıstan-Türkmənistan münasibətlərinin möhkəmləndirilməsində böyük töhfənizi nəzərə alaraq, sizi Qazaxıstan Respublikasının ali dövlət mükafatı - “Qızıl Qartal” ordeni ilə təltif etmək qərarına gəldiyimi nəzərinizə çatdırmaq istərdim. Bu yüksək mükafat sizə, eləcə də bütün qardaş türkmən xalqına dərin ehtiramını ifadə edir”, - Kasım-Jomart Tokayev bildirib.
