İranda son bir ayda – sentyabrın 20-dən oktyabrın 20-dək müxtəlif həbsxanalarda azı 286 nəfər edam olunub.
NOCOMMENT.az xəbər verir ki, bu, göstərir ki, ölkədə gündə orta hesabla təxminən 10 nəfər, hər iki saat yarımda isə bir nəfər asılaraq edam edilir.
Barəsində hökm icra edilənlərdən biri noyabrın 20-də Yasuc şəhərində Həft-Tir meydanında ictimai şəkildə dara çəkilib.
İran Psixiatriya Həkimləri Elmi Assosiasiyası ölkənin Məhkəmə-Ədliyyə Sisteminin rəhbəri Qulamhüseyn Mohsen-Ejeiyə məktub göndərərək ictimai edamların geniş psixoloji və sosial fəsadlarına diqqət çəkib və bu praktikanın dərhal dayandırılmasını tələb edib.
Qeyd olunub ki, son aylar İranda edamların fasiləsiz artması beynəlxalq təşkilatlarda ciddi narahatlıq yaradıb və ölkə daxilində və xaricində geniş etirazlara səbəb olub.
Məlumata görə, son bir ildə İranda azı 1 537 nəfər edam edilib.
