Gununsesi saytından əldə olunan məlumata görə, ain.az məlumat yayır.
“Büdcə layihəsində pensiyaların artırılması, onların indeksasiyası, həmçinin ünvanlı sosial yardımların yüksəldilməsi nəzərdə tutulub. Lakin əməkhaqlarının artırılması ilə bağlı hələlik konkret məlumat açıqlanmayıb. Xüsusilə minimal əməkhaqqının artırılması nəzərdə tutulmur. Xüsusilə minimal əməkhaqqının artırılması nəzərdə tutulmur”.
Bunu Gununsesi.info-ya açıqlamasında iqtisadçı Xalid Kərimli vurğulayıb:
“Konkret sahələr üzrə də detallı məlumat təqdim olunmayıb. Bununla yanaşı, sosial müavinətlərin artıb-artmayacağı barədə dəqiq qərar mövcud deyil. Minimal pensiya kimi, minimal əməkhaqqının da əvvəlki səviyyədə saxlanılması planlaşdırılır”.
İqtisadçının fikrincə, gəlirləri artacaq kateqoriyaların olması müsbət haldır.
“Çünki 2025-ci ildə inflyasiyanın 5,9 faiz, 2026-cı ildə isə 5,3 faiz olacağı proqnozlaşdırılır. Buna görə də ünvanlı sosial yardım alanların və pensiyaçılara göstərilən dəstəyin artırılması onların inflyasiyadan müəyyən qədər qorunmasını təmin edir.
Bununla belə, büdcədən maliyyələşən təşkilatlarda maaşların artırılıb-artırılmayacağı ilə bağlı nə konkret proqnoz, nə də ictimaiyyətə ötürülmüş rəsmi məlumat var”,-deyə o fikirlərini yekunlaşdırıb.
Qeyd edək ki, Milli Məclisin deputatı Vüqar Bayramov Milli Məclisin noyabrın 21-də keçirilən plenar iclasında “Dövlət sosial müdafiə fondunun və İşsizlikdən sığorta fondunun 2026-cı il büdcəsi haqqında” qanun layihələrinin müzakirəsi zamanı bildirib ki, dövlət sosial müdafiə fondunun büdcəsi layihəsi bir daha təsdiq edir ki, gələn ildə də sosial təminat tədbirləri davamlı olaraq gücləndiriləcək.
Onun sözlərinə görə, Fondun 8 milyard 483 milyon manatlıq xərclərinin 8 milyard 196 milyon manatı məhz əhaliyə ödənişlər üzrə xərclərdir.
Gülxanım Əliyeva
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
