Azərbaycanda pambıq istehsalı üzrə ən iri şirkətlərdən biri olan Prime Cotton MMC (əvvəlki “MKT İstehsalat Kommersiya” MMC) rəhbər heyətində vacib kadr dəyişikliyi həyata keçirib.Kredit.az xəbər verir ki, şirkətdə Baş risk inzibatçısı vəzifəsinə risk menecmenti və daxili audit sahəsində geniş təcrübəyə malik mütəxəssis Fuad Kələşli təyin edilib.Yeni təyinatla yanaşı, Fuad Kələşli paralel olaraq “Yelo Bank” ASC-nin Audit Komitəsinin üzvü vəzifəsində fəaliyyətini davam etdirəcək. O, həm bank sektorunda, həm də real sektorda risklərin idarə edilməsi, daxili nəzarət və audit istiqamətlərində uzunillik təcrübəyə malikdir.Fuad Kələşli 16 ildən artıq peşəkar fəaliyyət dövründə müxtəlif şirkətlərdə risk menecmenti, komplayens və daxili audit sahələrinə rəhbərlik edib, həmçinin beynəlxalq konfranslarda məruzəçi qismində çıxış edib.Fuad Kələşli risk menecmenti və daxili audit sahəsində geniş təcrübəsi ilə seçilən mütəxəssisdir. O, 2022–2025-ci illərdə LU-MUN Holdingdə qrup üzrə daxili nəzarət və risk menecmentinin rəhbəri kimi çalışaraq holdinqin nəzarət və risk idarəetmə sistemlərinin təkmilləşdirilməsinə rəhbərlik edib.Bundan əvvəl, 2019–2023-cü illərdə FinDev MMC-də Audit Komitəsinin üzvü olub və təşkilatın korporativ idarəetmə və audit mexanizmlərinin gücləndirilməsində iştirak edib. 2021–2022-ci illərdə Finspect şirkətinin direktoru, 2018–2021-ci illərdə isə İcbari Sığorta Bürosunun Daxili Audit Xidmətinin rəhbəri kimi fəaliyyət göstərib. Onun karyerası bank sektorunda başlayıb — 2008–2018-ci illərdə TuranBank və AzerCreditdə auditor və qrup rəhbəri vəzifələrində çalışıb.
