Gununsesi saytından alınan məlumata görə, ain.az bildirir.
Son günlər ölkədə təhsil mövzusu yenidən cəmiyyətin gündəmindədir.
Hamı məktəblərdəki problemlərdən, müəllim maaşlarından, dərsliklərin keyfiyyətindən danışır.
Amma bu müzakirələrin arxasında daha ciddi bir problem durur — təhsil sistemini tam şəkildə başa düşən, onu düzgün analiz edib yönləndirə bilən mütəxəssislərin azlığı.
Gununsesi.info-ya danışan təhsil eksperti, dosent İlham Əhmədov qeyd edib ki, təhsildə sistem analitiklərinə və strateqlərə ehtiyacı var.
“Azərbaycan təhsil sisteminin əsas problemi məktəblərin, dərsliklərin, müəllim maaşlarının vəziyyəti deyil, əsas problem — təhsil sistemini bütünlükdə görə bilən beyinlərin azlığıdır.
Təhsildə sistem analitikləri və strateqlər olmadıqca islahatlar heç bir nəticə verməyəcək, problemlər yanlış tanınacaq, təhsil siyasəti situativ olacaq, cəmiyyətin təhsilə və onun menecerlərinə itən etimadı bərpa olunmayacaq.
Təhsil kimi mürəkkəb və dinamik sistemə həmişəki kimi bəsit, səthi və elmsiz yanaşma nəticəsində, qarşıdakı süni intellekt dövrünün çağırışlarına hazır ola bilməyəcəyik”,– deyə İlham Əhmədov əlavə edib.
İlham Əhmədov qeyd edib ki, Azərbaycan təhsilinin yeni tipli beyinlərə — analitiklərə, strateqlərə və dizayner düşüncəli idarəçilərə ehtiyacı var.
O, qeyd edib ki, dünyanın müasir, sürətli elmi- texnoloji inkişaf mərhələsində bazar düşüncəsi ilə ölkənin elm-təhsil sistemi inkişaf edə bilməz.
Şəbnəm
Gununsesi.info
Sonrakı hadisələr barədə daha çox məlumat almaq üçün ain.az saytını izləyin.
