Ötən gecə MLS liqasında "İnter Mayami" səfərdə "Sinsinatti" klubu ilə qarşılaşıb.
Redaktor.az xəbər verir ki, matç qonaqların 4 cavabsız qolu ilə başa çatıb. Oyunun 19-cu dəqiqəsində "İnter Mayami"nin argentinalı hücumçusu Lionel Messi Mateo Silvettinin ötürməsini başla qapıdan keçirib. 57-ci dəqiqədə isə Messi Silvettiyə qol ötürməsi verib. Matçın 62 və 74-cü dəqiqəsində Tadeo Allende fərqlənib. Bu qol ötürmələrinin də müəllifi argentinalı superulduz olub.
Beləlilklə Lionel Messi 1 qol, 3 məhsuldar ötürmə ilə karyerasında 896-cı qola, 404-cü məhsuldar ötürməyə çatıb. Bununla da, Messi futbol tarixində 1300 qol töhfəsi verən yeganə futbolçu olub.
Turan ASLAN
