ain.az bildirir, Sherg.az portalına istinadən.
ABŞ Prezidenti Donald Tramp, milyonlarla insanın həyatını itirdiyi Ukraynadakı müharibənin əvvəlki prezident Co Bayden administrasiyasından miras qaldığını bildirərək, Ukrayna rəhbərliyinin ABŞ-ın səylərinə qarşı heç bir minnətdarlıq etmədiyini deyib.
Sherg.az xəbər verir ki, Tramp, ABŞ mərkəzli Truth Social adlı sosial media platformasındakı hesabından paylaşım edib.
“Rusiya və Ukrayna arasında gedən müharibə, güclü və düzgün bir ABŞ və Ukrayna liderliyi olsaydı heç vaxt baş verməzdi” deyən Tramp, sözügedən müharibəyə görə keçmiş prezident Co Baydeni ittiham edib.
Tramp bildirib:
“Heç vaxt baş verməməli olan, hamının uduzduğu, xüsusilə də milyonlarla insanın lazımsız yerə öldüyü bir müharibəni miras aldım.”
O həmçinin əlavə edib ki, Ukrayna rəhbərliyi ABŞ-nin səyləri üçün heç bir minnətdarlıq göstərməyib.
Avropanın Rusiyadan neft almağa davam etdiyinə diqqət çəkən Tramp belə deyib:
“ABŞ, Ukraynaya göndərilməsi üçün NATO-ya böyük həcmdə silah satmağa davam edir. Qüsurlu Bayden isə böyük pullar daxil hər şeyi pulsuz şəkildə verdi.”
Qeyd edək ki, Donald Tramp administrasiyası tərəfindən hazırlanmış 28 maddədən ibarət sülh planı təklifi Kiyevə təqdim edilmişdi.
Rusiya Prezidenti Vladimir Putin planı müzakirə etməyə hazır olduqlarını bildirərək, “Bu planın yekun sülh həllinə əsas ola biləcəyini düşünürəm” demişdi.
Ukrayna Prezidenti Volodimir Zelenski isə ABŞ-ın müharibəni dayandıra biləcək “sülh planı” üzərində işlədiyini qeyd edərək, ölkəsinin milli maraqlarına “heç vaxt xəyanət etməyəcəyini” vurğulamışdı.
Ən son xəbərləri və yenilikləri almaq üçün ain.az saytını izləyin.
