Musavat.com xəbər verir ki, Britaniya Kolumbiyasında gənc dişi canavarın qeyri-adi hərəkəti bioloqlar arasında böyük maraq doğurub.
Fototələlər yırtıcının sahilə atılmış balıqçılıq torlarını dişləri ilə özünə tərəf çəkdiyini və torun içində qalan balığı son dərəcə səliqəli şəkildə götürüb yediyini göstərib.
Alimlərin sözlərinə görə, bu hadisə canavarların ilk dəfə əmək alətinə bənzər vasitədən istifadə etməsinin rəsmi müşahidəsi hesab olunur. Mütəxəssislər bildirirlər ki, heyvan səbəb-nəticə əlaqəsini aydın şəkildə anlayır: toru çəkməklə balığa çatacağını bilir.
Bu davranış təkcə ağıllı uyğunlaşma nümunəsi deyil, həm də canavarların təbiətdə necə sürətlə dəyişə bildiyinə işarə edən təkamül xarakterli instinkt formalaşmasıdır.
Bioloqlar hesab edirlər ki, əgər bu cür adaptiv vərdişlər populyasiya daxilində geniş yayılsa, gələcəkdə canavarların qida əldəetmə strategiyasında yeni mərhələ formalaşa bilər.
Musavat.com
