İtaliya A Seriyasının 12-ci turunda “Latsio” evdə “Leççe”ni qəbul edib.
90deqiqe.Az-ın məlumatına görə, Roma şəhərindəki “Olimpiko” stadionunda keçirilən görüşdə meydan sahibləri 2:0 hesabı ilə qalib gəlib.
Matteo Genduzi 29-cu dəqiqədə komandasını hesabda önə çıxarıb, Teyanni Noslin isə əlavə vaxtda – 90+6-cı dəqiqədə fərqlənərək hesabı 2:0 edib.
Bu nəticədən sonra “Latsio” 18 xalla turnir cədvəlində yeddinci sırada qərarlaşıb. “Leççe” isə 10 xalla 16-cı pillədədir.
Növbəti turda “biankocelesti” 29 noyabrda səfərdə “Milan”la qarşılaşacaq, “Leççe” isə 30 noyabrda “Torino”nu qəbul edəcək.
