İtaliya A Seriyasının XII turunda “Kremoneze” doğma meydanda “Roma” ilə qarşılaşıb.
90deqiqe.Az xəbər verir ki, “Covanni Zini” stadionunda baş tutan görüş “canavarlar”ın 3:1 hesablı qələbəsi ilə yekunlaşıb.
“Roma” hesabı 17-ci dəqiqədə Matiyas Soulenin qolu ilə açıb. 64-cü dəqiqədə Evan Ferqyuson fərqi iki topa çatdırıb. Cəmi beş dəqiqə sonra — 69-cu dəqiqədə Uesli Fransa özünü göstərərək qonaqların üçüncü qoluna imza atıb. “Kremoneze”nin yeganə qolunu isə 90+3-cü dəqiqədə Françesko Folino vurub.
Bu nəticədən sonra “Kremoneze” 14 xalla turnir cədvəlinin 12-ci pilləsində qərarlaşıb. 27 xalı olan “Roma” isə A Seriyasının lideridir.
Növbəti turda “Kremoneze” dekabrın 1-də səfərdə “Bolonya” ilə qarşılaşacaq. “Roma” isə noyabrın 30-da doğma meydanda “Napoli”ni qəbul edəcək.
