BAKI, 23 noyabr. TELEQRAF
UFC-nin hazırkı orta çəki (84 kq-a qədər) çempionu Həmzət Çimayev Qətərdə keçirilən UFC Fight Night 265-də irlandiyalı döyüşçü İan Qarri ilə baş verən insident barədə açıqlama verib.
Teleqraf xəbər verir ki, idmançı bu barədə “Athlon Sports”a açıqlama verib.
“Arxadan heç kimi vurma. O, yaxınlaşıb mənim belimi vurmağa başladı. Əgər hörmət göstərmək istəyirsənsə, bunu insana hörmətlə yaxınlaşaraq et. O, sadəcə diqqət çəkmək üçün oraya gəldi. Konor kimi davranmağa çalışır, amma heç vaxt Konor olmayacaq”, -deyə, qeyd edib.
Xatırladaq ki, dünənki turnirdə Qarri gecənin əsas döyüşündə Belal Muhəmmədə qalib gəlib. Çimayev isə əsas döyüşün iştirakçısı Arman Tsarukyanın köməkçisi olub.
