FİFA sosial media hesablarında 2026-cı il dünya çempionatına həsr olunmuş yeni poster yayıb.
90deqiqe.Az-ın məlumatına görə, bu dəfə posterdə Portuqaliya millisinin kapitanı Kriştiano Ronaldonun fotosu yer alıb.
Qeyd edək ki, daha əvvəl paylaşılan posterdə Portuqaliya yığınının siması kimi yarımmüdafiəçi Brunu Fernandeş göstərilmişdi. Ronaldonun olmaması azarkeşlərin narazılığına səbəb olmuş, FİFA sosial şəbəkələrdə ciddi tənqid edilmişdi. Nəticədə qurum həmin posteri silməli olub.
Xatırladaq ki, dünya çempionatı 2026-cı ilin yayında ABŞ, Kanada və Meksikada keçiriləcək.
