Avtomobilin dövlət qeydiyyat nişanında olan defislər kustar üsulla silinir.
Xezerxeber.az-ın məlumatına görə, dünəndən başlayaraq sosial şəbəkələrdə belə videolar durmadan artır.
Qəbul edilmiş dövlət standartına əsasən, nəqliyyat vasitələrinə veriləcək yeni dövlət qeydiyyat nişanlarında rəqəm və hərflər arasında istifadə olunan defis işarəsi tətbiq olunmayacaq. Bu qərardan sonra bəzi sürücülər köhnə nömrələrdəki defisləri silir.
Məsələ ilə bağlı Baş Dövlət Yol Polisi İdarəsindən bildirildi ki, köhnə dövlət qeydiyyat nişanlarına hər hansı müdaxilə edilməsi yolverilməzdir.
İdarədən əlavə edildi ki ki, zədələnməyən nömrə sırf defisə görə dəyişdirilmir. Defis işarəsinin olması nömrə nişanının etibarlılığına təsir etmir və hazırda istifadə olunan bütün dövlət qeydiyyat nişanları qüvvədədir.
Bəzi xəbər portallarında isə yeni standarta əsasən, nəqliyyat vasitələrinin region kodu həm iki, həm də üçrəqəmli olacağı ilə bağlı məlumatlar yayılıb.
Baş Dövlət Yol Polisi İdarəsi bu məsələyə aydınlıq gətirib.
Qeyd edək ki, nömrəyə müdaxilə etməyin cəriməsi 40 manatdır.
Xezerxeber.az mövzu ilə bağlı daha ətraflı videomaterialı təqdim edir.
