AZ

“Neftçi”nin futbolçusu: “Davamlı şəkildə meydanda olsam, daha çox şeylər edəcəyimə əminəm”

ain.az, Idman.biz saytına istinadən bildirir.

“Neftçi” klubunda çıxış edən Azərbaycanın U-21 millisinin futbolçusu Murad Məmmədov davamlı şəkildə meydana çıxsa, daha çox şeylər edəcəyinə əmindir.

Gənc oyunçu U-21-in Avropa çempionatının seçmə mərhələsində səfərdə Cəbəllütariqi məğlub etdikləri (1:0) matçla bağlı fikirlərini bölüşüb:

“Oyun bizim üstünlüyümüz şəraitində keçdi. Asan matç deyildi. Hava şəraiti, həm də meydan amili bizə çox çətinlik yaratdı. Buna baxmayaraq, rəqibi məğlub etdik və vacib olan 3 xalı qazandıq”, - deyə o, “Report”a açıqlamasında bildirib.

Qarşılaşmadakı yeganə qolun müəllifi olan futbolçu bunun ona əlavə motivasiya verəcəyini söyləyib:

“Hər qarşılaşma bizim üçün çox vacibdir. Bu matçda komandaya xeyir vermək xoş hisslər yaratdı”.

“Neftçi” klubunda çıxış edən Murad Məmmədov karyerası barədə də danışıb:

“Əlimdən gələn hər şeyin ən yaxşısını etməyə çalışıram. Şans düşdükcə də istifadə edirəm. Davamlı şəkildə meydanda olsam, daha çox şeylər edəcəyimə əminəm”.

İdman.Biz

Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.

Seçilən
46
1
icma.az

2Mənbələr