Robert Levandovskinin bioqrafiyasında Çempionlar Liqası yarımfinalı – "İnter Milan" qarşısında baş verən dramatik anlar əks olunub.
Offsideplus.az xəbər verir ki, Barselona son dəqiqələrdə üstünlüyünü qorumağa çalışarkən Hansi Flik Andreas Kristenseni oyuna daxil etməyi planlaşdırmışdı.
Kristensenin boy üstünlüyü "İnter"in hava hücumlarına və yüksək oyunçularına (məsələn, Acerbi) qarşı faydalı olmalı idi.
Amma oyunun 89-cu dəqiqəsində köməkçi məşqçi Kristensenin isinməsini istəyəndə, oyunçu birdən belində yüngül ağrı olduğunu söylədi. Flik bunun ciddi zədə olduğuna şübhə ilə yanaşmışdı, lakin matçın gedişi və qalan vaxtın azlığı səbəbindən bunu dərhal yoxlamaq mümkün olmadı.
Flik dərhal Levandovskiyə müraciət etdi, çünki onun boyu qapı önündə son topları bloklamağa kömək edə bilərdi.
Nəticə isə uğursuz oldu: "İnter" bərabərlik qolunu vurdu, uzatma vaxtına getdi və sonda "Barselona" turnirdən kənarlandı.
Levandovski fiziki çətinliklər yaşayırdı, Kristensen isə oyuna heç daxil olmadı.
