“Çelsi” qapıçısı Filip Yorgensen qış transfer pəncərəsində komandadan ayrılmağı planlaşdırır.
90deqiqe.Az-ın məlumatına görə, 23 yaşlı oyunçu bu mövsüm cəmi 4 oyunda iştirak edib və oyun vaxtının azlığından narazıdır.
Danimarkalı qolkiper yanvarda komandadan getməyə hazırdır. Onun taleyi London klubunun qərarından asılı olacaq.
Filip Yorgensen 2024-cü ilin yayında “Vilyarreal”dan “Çelsi”yə 24,5 milyon avroya transfer olunub. Transfermarkt qiymətinə görə, qapıçının hazırkı dəyəri 18 milyon avrodur. “Çelsi”də əsas qapıçı statusunu hələ də Robert Sançes qoruyur.
