ain.az bildirir, GlobalInfo saytına əsaslanaraq.
Fövqəladə Hallar Nazirliyinin sabiq rəis müavini Raul Zeynalov da daxil olmaqla, bir neçə nəfərin milyonlarla manatının mənimsənilməsi işi üzrə həbs olunan kapitan Ayaz Bayramovun son addımı diqqət çəkib. Belə ki, o, istintaq təcridxanasından istintaq təcridxanasından “Qafqazinfo”ya 28 vərəqlik müraciət göndərib. Onun səsləndirdiyi iddialar işi yenidən gündəmə gətirib.
Bu müraciət araşdırıla bilərmi? İş materiallarına yenidən baxılması, istintaqın təkrarlanması mümkündürmü? Ayaz Bayramovun təqdim etdiyi açıqlamalar prosesin gedişinə təsir göstərəcəkmi?
Globalinfo.az-a danışan vəkil Hikmət Əliyev bildirib ki, həbs edilən Ayaz Bayramovun müraciətində qeyd etdiyi məsələlərlə bağlı iş hazırda məhkəmənin icraatındadır.
Onun fikrincə, məhkəmə işi obyektiv və hərtərəfli araşdıracaq, bütün sübutları tədqiq edərək qanuna uyğun qərar qəbul edəcək:
Hikmət Əliyev
“Əgər Ayaz Bayramovun general Rauf Zeynalovla bağlı iddiaları və digər arqumentləri təsdiqini tapsa, onun barəsində bəraət hökmü çıxarıla bilər. Əks halda, ittiham aktında göstərilən hallar sübuta yetirilərsə, qanunvericiliyə uyğun olaraq Ayaz Bayramov dələduzluq ittihamı ilə təqsirli bilinəcək və ona qarşı ittiham hökmü veriləcək. Buna görə də müraciətdə qeyd olunan məsələlərin ayrıca araşdırılmasına ehtiyac yoxdur. Məhkəmə yekunda hüquqi qiymət verəcək”.
Qeyd edək ki, FHN-də xidmət etmiş A.Bayramov böyük dələduzluq cinayəti ilə bağlı mühakimə edilsə də, özünü təqsirli bilmir. O, həbsinə görə general Raul Zeynalovu günahlandırır, ilk gündən ona qarşı ittihamları səngimir.
Xatırladaq ki, iş hazırda Bakı Hərbi Məhkəməsində hakim Zaur Hacıyevin sədrliyi ilə araşdırılır. A. Bayramova xüsusilə külli miqdarda dələduzluq maddəsi ilə verilmiş ittiham sübuta yetirilsə, onu 14 ilə kimi həbs gözləyir.
Zaira Akifqızı
Globalinfo.az
Daha ətraflı məlumat və yeniliklər üçün ain.az saytını izləyin.
