Ayna saytından verilən məlumata əsasən, ain.az məlumatı açıqlayır.
İstifadəçilərə mobil tətbiq daxilində birbaşa video paylaşmağa və müzakirə etməyə imkan verilib
“Google” “YouTube” platformasında yeni bir təcrübənin başladığını elan edib və istifadəçilərə mobil tətbiq daxilində birbaşa video paylaşmağa və müzakirə etməyə imkan verib. Bu xüsusiyyət standart videolar, qısametrajlı videolar və canlı yayımlar da daxil olmaqla bütün “YouTube” məzmun formatlarına aiddir.
AYNA.AZ xarici mediaya istinadən bildirir ki, təcrübə hazırda İrlandiya və Polşada 18 yaş və yuxarı məhdud sayda istifadəçi üçün əlçatandır. Şirkət qeyd edib ki, test iştirakçıları əvvəlki kimi yenə də üçüncü tərəf tətbiqləri vasitəsilə video paylaşa biləcəklər.
“Google”dan qeyd edilib ki, göndərilən mesajlar xüsusən də potensial olaraq zərərli məzmun aşkar edildikdə, qaydalara uyğunluq baxımından avtomatik olaraq nəzərdən keçirilə bilər.
Sınaqçılarda yeni "mesajlar" bölməsi olacaq. Başqa bir istifadəçiyə video göndərmək üçün bildiriş işarəsinə vurulur, "başqalarını video paylaşmağa dəvət et" seçilitr və link ilə dəvət göndərilir. Alıcı sorğunu qəbul edə və ya rədd edə bilər. Təsdiqləndikdən sonra məzmun və mesajlar birbaşa “YouTube” tətbiqində paylaşılacaq. Dəvət linkləri yaradıldıqdan yeddi gün sonra bitir.
“Google” hələlik sınaqları genişləndirəcəyini və ya funksiyanı daha geniş auditoriyaya təqdim edə biləcəyi vaxt cədvəlini açıqlamayıb.
Sonrakı hadisələr barədə daha çox məlumat almaq üçün ain.az saytını izləyin.
