525.az saytından alınan məlumatlara görə, ain.az xəbər verir.
Müasir inkişafa və insan haqlarına söykənən tərəqqipərvər ölkələrdən biri kimi, Azərbaycanda da təhsil sahəsinin yetişməkdə olan nəslin hər bir nümayəndəsinin özünü cəmiyyətin bərəbərhüquqlu üzvü saymasının təmin olunması məsələsində oynadığı əhəmiyyətli rolu nəzərə alaraq, son dövrlərdə inklüziv təhsilin dərindən öyrənilməsi və geniş tətbiqinə ciddi fikir verilir.
Bilindiyi kimi, inklüziv təhsil uşaqların fiziki, psixi, intellektual və digər xüsusiyyətlərindən asılı olmayaraq, onların öz həmyaşıdları ilə məktəbdə eyni sinifdə təhsilə cəlb edilməsini özündə ehtiva edir. Əlilliyi olan uşaqların əlilliyi olmayan həmyaşıdları ilə birlikdə təhsili hər kəs üçün səmərəli tədris formasıdır. İnklüziv sinifdə tədris görmək fərqliliyə münasibəti dəyişməyə, özünəhörmətin və həmyaşıdların qəbulunun yaxşılaşdırılmasına səbəb olur və bu, sosial yöndən ədalətli və ayrı-seçkiliyə yol verməyən cəmiyyətin qurulmasına da töhfə verir.
Birləşmiş Millətlər Təşkilatının “Əlillərin hüquqları haqqında” Konvensiyası əlilliyi olan şəxslərin təhsil hüquqlarının bir çox tərəflərini əhatə edir və inklüziv təhsilin hər kəs üçün ən yaxşı təhsil mühiti olduğunu qeyd edir. Eynilə, BMT-nin “Uşaq Hüquqları Konvensiyası”sının 28-ci maddəsi hər bir uşağın təhsil hüququnun bərabər imkanlar əsasında həyata keçirilməsi dəstəkləyir.
“Təhsil haqqında” Azərbaycan Respublikası Qanununun 5-ci maddəsinə əsasən, dövlət cinsindən, irqindən, dilindən, dinindən, siyasi əqidəsindən, etnik mənsubiyyətindən, sosial vəziyyətindən, mənşəyindən, sağlamlıq imkanlarından asılı olmayaraq, hər bir vətəndaşa təhsil almaq imkanının yaradılmasına və ayrı-seçkiliyə yol verilməməsinə təminat verir.
Müasir təhsilin üsul və xüsusiyyətləri baxımından, yerlərdə bu sahədə məlumatlılığın artırılmasına ehitiyac duyulduğunu nəzərə alaraq, Ağstafa rayonunda "Müasir inklüziv təhsil, yeni yanaşmalar və tətbiq modelləri" mövzusunda maarifləndirici tədbir keçirilib.
Tədbirdə Ağstafa Rayon İcra Hakimiyyətinin başçısı Seymur Orucov, Azərbaycan Dövlət İqtisad Universitetinin İnklüziv Təhsil Mərkəzinin direktoru Sevinc Məhsimova, Gənclərin Psixoloji Dəstəyi layihəsinin baş təsisçisi, psixoloq-təlimçi Leyla Salmanlı, Qazax-Tovuz Regional Təhsil İdarəsinin məsul şəxsləri, müəllimlər və təhsil mütəxəssisləri iştirak və çıxış ediblər.
İki günlük maarifçi təlimlərdə təhsil işçiləri üçün məlumat xarakterli təqdimatlar olub. İnklüziv təhsil proseslərində səmərəli üsul və yanaşmalar hada söhbət gedib.
Zakir Muradov,
Ağstafa – Gəncə
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
