"Hər bir antibiotikin satış forması ilə birlikdə təqdim olunan təlimatında onun əks göstərişləri göstərilir.
Əks göstərişlərin ilk növbədə həkim tərəfindən nəzərdən keçirilməsi, xəstə özü də əgər məlumatlıdırsa, göstərişlərə baxması tövsiyə olunur. Ən ciddi əks göstəriş dərmanın tərkibinə qarşı olan ağır allergik reaksiyadır".
“Cebheinfo.az” xəbər verir k, bunu Səhiyyə Nazirliyinin rəsmi “Instagram” hesabında keçirilən canlı yayım zamanı Səhiyyə Nazirliyinin mütəxəssis-eksperti, infeksionist Təyyar Eyvazov bildirib.
Həkim qeyd edib ki, allergik reaksiya qəfil inkişaf edə və xəstənin həyatına təhlükə yarada bilər: "Bundan əlavə, antibiotiklərin müxtəlif orqanlara toksiki təsir edə bilir.
Məsələn, ağır böyrək xəstəlikləri olan pasiyentlərdə dərmanın dozası və qəbul vaxtı arasında korreksiya edilməlidir. Böyrək funksiyası zəif olduqda, dərman bədəndə toplanarak doza aşımına səbəb ola bilər. Digər əks göstəriş qaraciyər xəstəlikləridir, çünki bəzi antibiotiklər qaraciyərə toksik təsir göstərə bilər.
Bu hallarda həkim mütləq yanaşı xəstəlikləri nəzərə almalıdır. Daha sonra beə vəziyyət hamiləlikdə ola bilir, xüsusən ilk 12 həftədə dölün orqanları formalaşdığından, müəyyən antibiotiklər teratogen təsir göstərərək inkişaf qüsurlarına səbəb ola bilər.
Buna görə hamiləlik zamanı dərman qəbuluna fikir vermək lazımdır. Ana süd verirsə və antibiotik qəbul edirsə, bu, uşağa da keçə bilər, söhbət müəyyən antibotiklərdən gedir”.
