Narkotik kartelləri ilə mübarizə və ABŞ-yə narkotik axınının qarşısını almaq üçün lazım gələrsə, Venesuela və Meksikaya hücum etmək perspektivini istisna etməyib.
Ölkə.az xəbər verir ki, belə bir bəyanatla ABŞ prezidenti Donald Tramp çıxış edib.
Meksika ərazisinə zərbələr endirilməsi ehtimalı ilə bağlı sualını cavablandıran Tramp deyib ki, narkotik axını dayandırmaq üçün nə lazımdırsa etməliyik.
Tramp jurnalistlərə açıqlamasında Venesuelaya da quru əməliyyatlarının həyata keçirilməsini istisna etməyib.
"Onlar mənim mövqeyimi bilirlər. Hər bir narkobaronun ünvanını bilirik. Onların ünvanlarını, qapılarını, bütün məlumatlarını bilirik. İnsanlarımızı öldürürlər. Biz hər il yüz minlərlə insanı itiririk. Bu narkotiklərin böyük qismi Meksikadan gəlir. Mən Meksikadan razı deyiləm".
Kolumbiyanın narkotik istehsalında da əhəmiyyətli bir yerə sahib olduğunu qeyd edən Trampın sözlərinə görə, Kolumbiyada kokain fabrikləri var. “Mən o fabrikləri məhv edərdimmi? Şəxsən bunu etməkdən qürur duyardım. Bunu etdim demirəm, amma bununla fəxr edərdim", - Tramp qeyd edib.
Mürtəza
