DÇ-2026-nın seçmə mərhələsində Monteneqro Xorvatiyanı qonaq edib.
İdman.Biz bildirir ki, matçda qonaqlar matçı 3:2 hesabı ilə qazanıblar.
Monteneqrolu yarımmüdafiəçi Milutin Osmayiç matçın ilk qolunu üçüncü dəqiqədə vurub. Nikola Krstoviç 17-ci dəqiqədə qonaqların qapısına daha bir qol vurub. İvan Perişiç qonaqların ilk qolunu ilk hissənin 37-ci dəqiqəsində penaltidən vurub. Kristian Yakiç ikinci hissənin 73-cü dəqiqəsində hesabı bərabərləşdirib. Nikola Vlaşiç isə oyunun 87-ci dəqiqəsində qonaqlara üstünlük qazandırıb.
Səkkiz oyundan sonra Monteneqro doqquz xala malikdir və L qrupunda dördüncü yerdədir. Xorvatiya səkkiz oyunda 22 xal qazanıb və artıq ABŞ, Kanada və Meksikada keçiriləcək dünya çempionatına vəsiqə qazanıb.
