Rusiyanın Kiyevə hücumu: ölənlər var | VİDEO

AzVision.az bildirir ki, bu barədə açıqlama verən Kiyev şəhərinin meri Vitali Kliçko məlumatların dəqiqləşdiriləcəyini deyib. Belə ki, xilasedicilər insanları dağıntılar altından hələ ki, çıxara bilmirlər.

Xəsarət alanlar arasında 7 və 10 yaşlı iki uşaq da var. Doqquz yaralı, o cümlədən hamilə qadın xəstəxanaya yerləşdirilib.

Vitali Kliçkonun sözlərinə görə, bu zərbələr nəticəsində istilik şəbəkəsinin bəzi sahələri zədələnib.

Bundan əvvəl, Kiyev Hərbi admisitrasiyasının rəhbəri Timur Tkaçenko və Ukrayna Dövlət Fövqəladə Hallar Xidməti (DFHX) bu gecə Rusiya qoşunlarının PUA-lar və ballistik raketlərlə Kiyevə kütləvi zərbələr endirdiyini açıqlayıb.

DFHX-nin Telegram-kanalında yerləşdirilən məlumatda qurumun əməkdaşlarının 40-dan çox insanı xilas etdiyi, ən azı səkkiz çoxmərtəbəli yaşayış binasına ziyan dəydiyi bildirilir.

pic.twitter.com/F8f2caH2T4

— Newsfeed (@Newsfeed883920) November 14, 2025

Sahil İsgəndərov
AzVision.az