Azərbaycanın qadın həndbol millisinin Səudiyyə Ərəbistanının paytaxtı Ər-Riyada keçirilən VI İslam Həmrəyliyi Oyunlarındakı oyunlarının vaxtı açıqlanıb.
İdman.Biz xəbər verir ki, bu barədə Azərbaycan Həndbol Federasiyasından məlumat verilib.
B qrupunda çıxış edən komanda ilk matçını 13 noyabrda Qətər yığmasına qarşı oynayacaq. Qarşılaşma Bakı vaxtı ilə saat 17:00-da start götürəcək.
Milli komanda 15 noyabrda Özbəkistanla qarşılaşacaq. Oyun eyni vaxtda başlayacaq.
Son oyun isə 17 noyabrda saat 15:00-da Qazaxıstan millisi ilə keçiriləcək. Bütün qarşılaşmalar “Green Hall” Olimpiya Kompleksində oynanılacaq.
Qeyd edək ki, İslamiada noyabrın 21-də başa çatacaq.
