Kolumbiya rəhbərliyi ABŞ ordusunun Karib hövzəsindəki əməliyyatlarından sonra Vaçinqtonla kəşfiyyat əlaqəsini dayandırıb.
Reyting.az xəbər verir ki, bu barədə “Reuters” agentliyi məlumat yayıb.
Kolumbiya lideri Qustavo Petro sosial şəbəkədə yazıb ki, ölkəsi ABŞ Hərbi Dəniz Qüvvələrinin Karib dənizindəki qayıqlara endirdiyi zərbələrdən sonra kəşfiyyat bölmələri ilə amerikalı həmkarları arasında əməkdaşlığı dayandırıb.
“İctimai təhlükəsizlik kəşfiyyatının bütün səviyyələrinə məlumat ötürülməsini və Amerika strukturları ilə qarşılıqlı əlaqənin digər formalarını dayandırmaq barədə əmr verdim”,- Qustavo Petro qeyd edib.
E. KAMAL
