Gürcüstanda qəzaya uğrayan hərbi təyyarənin qalıqları üçün axtarışlar davam edir. Metbuat.az xəbər verir ki, bunu Türkiyəyə məxsus hərbi yük təyyarəsinin Gürcüstanda qəzaya uğraması ilə bağlı açıqlamasında Prezident Rəcəb Tayyib Ərdoğan deyib. Dövlət başçısı bildirib ki, müvafiq qurumlar qəzanın baş verdiyi ərazidə təyyarənin qalıqlarını tapmaq üçün axtarışlara davam edir:“Qəzanı öyrəndik. Ölkənin aidiyyəti qurumları təyyarənin qalıqlarının aşkarlanması üçün iş aparır. Ümid edirik ki, bu hadisədən minimum itki ilə çıxacağıq. Rəbbim şəhidlərimizə rəhmət eləsin, dualarımız onlarla birlikdədir”
