Olke.az saytından verilən məlumata əsasən, ain.az məlumatı açıqlayır.
"Euronews" 44 günlük Vətən müharibəsində Azərbaycanın qələbəsinin 5-ci ildönümü münasibətilə Bakının Azadlıq Meydanında keçirilən hərbi parad haqqında reportaj hazırlayıb.
Ölkə.Az-ın məlumatına görə, bildirilib ki, bu qələbə ilə Bakı onilliklər davam edən qanlı münaqişələrin faciəvi bir fəslinə son qoyub və sülhün yeni bir fəslini açıb.
Burada Azərbaycan Prezidenti İlham Əliyevin paradda verdiyi açıqlamalar yer alıb, qələbənin strateji iqtisadi və hərbi nailiyyətlərin nəticəsi olduğu və Qarabağın bərpasına yol açdığı qeyd olunur.
Reportajın müəllifləri həmçinin Prezident İlham Əliyevin 6 noyabrda Bakıda NATO nümayəndə heyəti ilə görüşünü də vurğulayırlar. Görüş zamanı dövlət başçısı Azərbaycan ordusunun NATO standartlarına uyğunlaşdırıldığını və bu baxımdan Türkiyə ordusu ilə sıx əməkdaşlıq etdiyini bildirib.
"Euronews" qeyd edir ki, Azərbaycanın NATO ilə əməkdaşlığı enerji təhlükəsizliyi və regional əlaqələri, eləcə də sülhməramlı əməliyyatlarda əvvəlki iştirakını əhatə edir.
Kanal xatırladır ki, 8 avqustda Vaşinqtonda Azərbaycan və Ermənistan liderləri ikitərəfli münasibətlərin bərpasına yönəlmiş mühüm sənəd imzalayıblar.
"Ağ Ev bildirib ki, müqavilənin bir hissəsi olaraq, ABŞ həmçinin "Beynəlxalq Sülh və Rifah üçün Tramp Marşrutu" və ya TRIPP (Zəngəzur dəhlizinin Ermənistandan keçən 42 kilometrlik hissəsi) adlanacaq tranzit dəhlizinin tikintisini də dəstəkləyəcək.
Bakı üçün dəhliz Naxçıvan Muxtar Respublikası ilə birbaşa quru əlaqəsi təmin edir, Türkiyə ilə əlaqələri gücləndirir və infrastruktur diplomatiyası vasitəsilə müharibədən sonrakı nailiyyətləri möhkəmləndirir. Bu, həmçinin Azərbaycanın əsas qlobal nəqliyyat və logistika mərkəzi kimi mövqeyini gücləndirir", - məqalədə vurğulanır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
