BAKI, 10 noyabr. TELEQRAF
ABŞ Prezidenti Donald Tramp Konqresdə tətil elan edən bütün hava nəqliyyatı dispetçerlərinin dərhal işə qayıtmasını tələb edib.
Teleqraf xəbər verir ki, o, bu barədə "Truth Social"da yazıb.
Ağ Ev rəhbərinin sözlərinə görə, işə qayıtmayan hər kəs əhəmiyyətli məbləğdə cərimələnəcək.
Tramp həmçinin “hamının maaşlarının tam veriləcəyini bildiyi halda, şikayət edib məzuniyyət götürən” mütəxəssislərdən narazılığını ifadə edib.
Noyabrın 10-da ABŞ-da təxirə salınan və ləğv edilən uçuşların sayı 13 minə çatıb. Noyabrın 9-da aviadispetçer çatışmazlığı səbəbindən 10 mindən çox reys təxirə salınıb, 2700-dən çox reys ləğv edilib.
Məlumata görə, ABŞ Senatında bir qrup demokrat federal hökumətin yenidən açılmasına yönəlmiş qanun layihələri paketi üzrə respublikaçılarla əməkdaşlıq etməyə hazırdır.
