Şanxayda 10 dəqiqəlik hava taksisi ilə gedişin qiyməti 59 yuana (təxminən 8,30 dollara) başa gələcək.
7News.Az TASS-a istinadən xəbər verir ki, "Vertaxi" şirkəti bu planı 8-ci Çin Beynəlxalq İdxal Sərgisində (CIIE) açıqlayıb.
Təqdim etdiyi nəqliyyat vasitəsi elektriklidir, şaquli qalxma və enmə xüsusiyyətinə malikdir. O şəhərin yarısını 10 dəqiqəyə uça bilər. Müqayisə üçün, avtomobillə eyni səyahət təxminən 40 dəqiqə çəkir.
Tərtibatçının sözlərinə görə, əvvəlcə qiymətlər adi taksilərin qiymətlərindən bir qədər yüksək olacaq, lakin hava səyahəti marşrutları genişləndikcə qiymətlər kəskin şəkildə aşağı düşəcək. Qısaməsafəli uçuşların qiyməti 50 yuandan (7 dollar), şəhərlərarası marşrutlar isə 100 yuandan (14 dollar) başlayacaq. Beş nəfərlik hava taksisi salonunda təxminən 50 sm uzunluğunda beş standart çamadan da daşına bilər.
