ain.az, Sportal.az portalına istinadən məlumat verir.
“Liverpul” Premyer Liqanın 11-ci turunda “şəhərlilər”ə 0:3 hesabı ilə uduzub. 38-ci dəqiqədə hakim Kris Kavana epizodu videoyazıdan izlədikdən sonra Məhəmməd Salahın künc zərbəsindən sonra vurulan Van Deyk qolunu Endryu Robertsonun ofsaydı səbəbilə ləğv edib.
Sportal.az xəbər verir ki, "Liverpul"un baş məşqçisi Arne Slot hesab edir ki, Vircil van Deykin “Mançester Siti”nin qapısına vurduğu qol səhvən sayılmayıb.
“Düşünürəm ki, hakimin qərarının səhv olduğu açıq-aşkar görünürdü, ən azı mənim fikrimcə. Çünki Robertson ümumiyyətlə qapıçıya mane olmurdu.
Matçdan dərhal sonra mənə keçən mövsüm bu eyni hakimin “Man Siti”nin “Vulverhempton”a qarşı oyununda hesabladığı qolu göstərdilər. Yan xətt hakiminə bayrağı qaldırmaq və ofsaydı qeydə almaq üçün 13 saniyə lazım olmuşdu. Yəni, aydın idi ki, orada kommunikasiya var idi.
Bu epizod oyunumuzun gedişinə müsbət təsir göstərə bilərdi, çünki birinci hissədə çox zəif idik. Əgər fasiləyə 0:1 hesabı ilə uduzaraq getsəydik, bu, bizim üçün şans sayılardı, 1:1 və ya 2:1 demirəm belə.
Yəni, bu vacib an idi, amma demək olmaz ki, biz nəticə qazanardıq, çünki ikinci hissənin necə keçəcəyini əvvəlcədən demək mümkün deyil.”
saytlarin hazirlanmasi
Sonrakı hadisələr barədə daha çox məlumat almaq üçün ain.az saytını izləyin.
