BAKI, 9 noyabr. TELEQRAF
Tünd şokoladda və bəzi giləmeyvələrdə olan flavanolların yaddaşı yaxşılaşdırdığı müəyyən edilib.
Teleqraf xəbər verir ki, bu barədə "Current Research in Food Science" jurnalında dərc olunan tədqiqatda qeyd olunub.
Bildirilib ki, flavanolların beynin yaddaş konsolidasiyası mərhələsi zamanı nöradrenalin səviyyəsini artırdığı göstərilib. Bu proses yaddaşın qısamüddətli mərhələdən uzunmüddətli yaddaşa keçidini gücləndirir.
Araşdırma siçanlar üzərində aparılıb. Flavanol alan siçanlar yaddaş testlərində su alan siçanlardan 30% yaxşı nəticə göstəriblər. Aktivləşmə xüsusilə beynin yaddaşa cavabdeh hissəsi olan hippokampda qeydə alınıb.
Mütəxəssislər bildirir ki, flavanolların təsiri maddələrin qana keçməsindən çox, onların ağız və mədə reseptorlarını stimullaşdıraraq beyin ştammına siqnal göndərməsi ilə bağlıdır.
Bununla belə, alimlər siçanlara verilən flavanol dozasının adi şokolad porsiyasından daha yüksək olduğu ilə bağlı xəbərdarlıq edib. Effekti insanlar üzərində təsdiqləmək üçün əlavə geniş tədqiqatlara ehtiyac var.
Həkimlər tünd şokoladı yalnız ölçülü şəkildə istehlak etməyi məsləhət görürlər.
