Gəncəyə düşən raket zərbələri nəticəsində valideynlərini itirən Sevil Əliyeva ana olub.
Redaktor.az xəbər verir ki, bu barədə “Təsir dairəsi” verilişində aparıcı Lalə Azərtaş məlumat verib.
“Sevili dağıntılar altından xilas edən Talış onu öz xanımı etdi. Şükürlər olsun ki, bir neçə dəqiqə bundan qabaq onların Rəşad adlı oğulları dünyaya göz açdı. Bu, bizim üçün ən gözəl Zəfər bayramı hədiyyəsi oldu. Sevil mənim öz balamdır və onu çox istəyirəm. Ümid edirəm ki, valideynlərinin ruhu şaddır, çünki nəvələri dünyaya göz açdı”.
