ABŞ prezidenti Donald Tramp iki həftə əvvəl Rusiya prezidenti Vladimir Putinlə müharibəyə son qoymaq barədə müzakirə apardığını bildirsə də, bunun hansı müharibə olduğunu dəqiqləşdirməyib.
Mayamidə keçirilən Amerika Biznes Forumunda prezidentlik qələbəsinin ildönümünə həsr olunmuş çıxışı zamanı Tramp on illərdir davam edən münaqişələrin həlli ilə yenidən öyünüb. Xüsusilə, İsrail və İran, Misir və Efiopiya, Ermənistan və Azərbaycan, Kamboca və Tayland arasında. Bu dəfə Ağ Ev rəhbəri ölkələrin adlarını qarışdırmayıb. Lakin müharibələrin və tariflərin bitməsi kontekstində Tramp Putindən bəhs edib: “Bəzi müharibələr 32 il davam edib.
Biri 38 il davam edib. Möhtəşəm! Prezident Putinlə çalışıblar… İki həftə əvvəl onunla danışdım və o dedi: “Biz bu müharibəni 10 il həll etməyə çalışdıq, amma bacarmadıq”. “Və siz razılığa gəldiniz”, – deyə Amerika prezidenti söhbətin bir hissəsini sitat gətirib.
Bəzi Ukrayna media orqanları (NV, RBC-Ukraine və Hromadske) müzakirənin Rusiyanın başlatdığı Ukraynadakı müharibə ilə bağlı olduğunu irəli sürürlər. Onlar Putinin Trampdan bunun həllində kömək istədiyini bildiriblər. Bu arada, rus təbliğatçıları öz nəşrlərində liderlərin Ermənistan və Azərbaycan arasındakı müharibəni müzakirə etdiklərini iddia ediblər.
Çıxışı zamanı Tramp həmçinin vurğulayıb ki, bəzi münaqişələri Birləşmiş Millətlər Təşkilatından heç bir yardım almadan “bir saat ərzində” həll edə bilib. Onun sözlərinə görə, BMT-dən aldığı yeganə şey “boş teleprompter” olub.
//Samir Qurbanov, Editor.az
