"Qarabağ"ın ötən gün Çempionlar Liqasının Liqa mərhələsinin 4-cü turunda “Çelsi” ilə oyunda (2:2) zədələnən futbolçusu Kadi Borgesin durumuna aydınlıq gəlib.
QOL.az xəbər verir ki, bu barədə klubun mətbuat xidməti məlumat yayıb.
Braziliyalı yarımmüdafiəçi oyundan dərhal sonra tibbi müayinədən keçib. Müayinənin nəticələrinə əsasən, futbolçunun sol fibulasında sınıq aşkarlanıb.
Həkimlərin ilkin proqnozuna görə, Kadi Borgesin müalicə və bərpa prosesi təxminən 8–10 həftə davam edəcək.
