"Rusiyadan Ermənsitana buğda ilə yanaşı, digər kateqoriyalı yüklərin çatdırılması da müzakirə olunur..."
2026-cı il yanvarın sonunadək 132 dəmir yolu vaqonu Rusiya buğdası Azərbaycan və Gürcüstan vasitəsilə Ermənistana çatacaq.
Moderator.az xəbər verir ki, bu barədə Rusiya Nəqliyyat Nazirliyinin Teleqram kanalında məlumat verilib .
Bildirilir ki, ilk partiya, 1000 tondan çox taxıl Ulyanovsk vilayətindəki Dimitrovqrad stansiyasından göndərilib. Yük daşımalarını Rusiya Dəmir Yolları şirkəti təşkil edib. Taxılla yüklənmiş 15 vaqondan ibarət qatar Azərbaycan ərazisindən keçərək Gürcüstan-Ermənistan sərhədini keçərək Cənubi Qafqaz Dəmir Yolunun Dalarik stansiyasına yollanıb.
Nazirlik qeyd edib ki, yeni logistik marşrutun təşkili Azərbaycandan Ermənistana yük tranzitinin bərpasından sonra mümkün olub. Bu, 1990-cı illərdən bəri ilk belə yük daşımalarıdır.
2026-cı il yanvarın sonunadək 132 dəmir yolu vaqonu Rusiya buğdası Azərbaycan və Gürcüstan vasitəsilə Ermənistana çatacaq.
Buğda ilə yanaşı, digər kateqoriyalı yüklərin çatdırılması da müzakirə olunur.
Xatırladaq ki, dünən gecə saatlarında Rusiya buğdası ilə yüklənmiş qatar (15 vaqon) Azərbaycan və Gürcüstan ərazisindən keçərək Ermənistana gəlib.
