"AnTuTu"nun sentyabr ayı üzrə Android smartfonlarının performans reytinqi açıqlanıb.
Publika.az xəbər verir ki, reytinqin liderləri "Snapdragon 8 Elite Gen 5" çipi ilə təchiz olunmuş ən yeni modellər olub.
Oktyabr ayının nəticələrinə əsasən lider dəyişib. Sentyabrda "Xiaomi 17 Pro" və "Xiaomi 17 Pro Max" modelləri üstünlük təşkil etsə də, oktyabr reytinqində "Xiaomi" artıq ilk onluqda yer almır.
Birinci yeri "RedMagic 11 Pro+" tutub. Bu oyun smartfonu maye və hava soyutma sisteminə malikdir və "AnTuTu" testində orta hesabla 4,13 milyon xal toplayır.
İkinci və üçüncü yerlərdə "Snapdragon 8 Elite Gen 5" çipi ilə təchiz olunmuş "OnePlus 15" və "iQOO 15" modelləri qərarlaşıb (hər biri 4,03 milyon xal).
