Binance məlumatına görə, kriptovalyuta bazarında kəskin eniş investorlar arasında narahatlıq yaradıb...
Poliqon xəbər verir ki, dünyanın ən böyük kriptovalyuta birjalarından biri olan Binancei-n məlumatına əsasən, Bitcoin-in qiyməti 2025-ci ilin 23 iyun tarixindən bəri ilk dəfə 100 min ABŞ dolları həddindən aşağı enib. Gecə saatlarında aparılan ticarət əməliyyatları zamanı qiymət 99 420 dollara qədər düşüb.
Analitiklərin fikrincə, bu enişin əsas səbəbləri arasında ABŞ-da faiz dərəcələrinin yüksəldilməsi ehtimalı, kriptovalyutalara vergi nəzarətinin sərtləşməsi və investorların riskli aktivlərdən çıxışı dayanır. Son həftələrdə həmçinin Asiya və Avropa bazarlarında da satış təzyiqi artıb.
Ekspertlər qeyd edirlər ki, Bitcoin-in bu səviyyəyə enməsi bazarda qısamüddətli qeyri-sabitlik yaratsa da, orta müddətli perspektivdə bu vəziyyət yeni alıcılar üçün giriş imkanları da yarada bilər. Bununla belə, investorlar diqqətli olmağa çağırılır, çünki gələcək həftələrdə qiymət dalğalanmaları davam edə bilər.
Binance analitikləri bildirirlər ki, Bitcoinin ümumi bazar dəyəri 1,95 trilyon dollara qədər azalıb. Bununla yanaşı, Ethereum və digər aparıcı kriptovalyutalar da 5-7 faiz civarında dəyər itirib.
Poliqon.info
