BAKI, 4 noyabr. TELEQRAF
“Buta” Apteklər Şəbəkəsi müştərilərə 1-30 noyabr tarixlərində loyallıq kartı ilə bəzi məhsulları xüsusi endirimlə təklif edir. Lakin 1 və 2 noyabr tarixlərində həmin loyallıq kartı ilə endirimlərdən yararlanmaq mümkün olmayıb.
Teleqraf-a daxil olan şikayətdə bildirilib ki, metronun “Həzi Aslanov” stansiyasının yaxınlığında yerləşən bir neçə aptekdə bu hal yaşanıb.
Aptekin əməkdaşları isə müştərilərə bildirib ki, 1 və 2 noyabr tarixləri şənbə və bazar günlərinə düşdüyü üçün sistem hələ aktiv edilməyib, aktiv etmək üçün də əməkdaş olmayıb.
“Əgər müştərilər 1-2 noyabr tarixlərində endirimdən yararlana bilməyəcəkdilərsə, nə üçün endirim vaxtı 3-30 noyabr kimi qoyulmayıb? Nə üçün depoda aptekin əməkdaşı olmayıb və sistem aktivləşməyib?” – deyə müştərilər şikayətində qeyd edib.
Məsələ ilə bağlı “Buta” Apteklər Şəbəkəsi ilə əlaqə saxlamağa çalışsaq da, məsələyəcavab almaq mümükün olmayıb.
.jpg)
