Ermənistanın Baş naziri Nikol Paşinyan Ermənistan və Azərbaycan arasında sülhün bərqərar olduğunu bir daha təsdiqləyib.
Xezerxeber.az "Armenpress”ə istinadən xəbər verir ki, Orbeli Forumunda çıxış edən Baş nazirin sözlərinə görə, Ermənistan və Azərbaycan arasında bugünkü uğur hekayələrinin başlanğıcı 2024-cü ildə iki ölkə arasında başlanmış sərhədin demarkasiyası prosesi olub.
"Bu, Ermənistan və Azərbaycan arasında dövlətlərarası münasibətlərin qurulmasında dönüş nöqtəsidir ki, iki ölkə 1991-ci il Alma-Ata Bəyannaməsi əsasında bir-birinin ərazi bütövlüyünü tanıdığını qeyd edir", - Baş nazir qeyd edib.
