Azərbaycan futzal millisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında bu gün mübarizəyə başlayır.
Fanat.Az xəbər verir ki, A qrupunda yer alan yığmamız startda Liviya ilə qarşılaşacaq.
Oyun "Şahzadə Feysəl ibn Fərhad Olimpiya Kompleksi"ndə baş tutacaq və Bakı vaxtı ilə saat 17:00-da başlayacaq.
Milli İslamiadada 2-si qapıçı olmaqla ümumilikdə 14 futzalçı ilə təmsil olunacaq:
Qapıçılar: Kamran Hacıyev ("Neftçi" İK), Cavad Məmmədov ("Baku Fire").
Oyunçular: Nihad İsmayılov, Emil Həsənzadə (hər ikisi "Neftçi" İK), Ülvi Əliyev, Qüdrət Qasımzadə, Mirzə Əmirov, Ədalət Ələkbərov (hamısı "Araz-Naxçıvan"), Fərid Abbasov, Kənan Manafov, Eldar Zeynalov, Oktay Rüstəmli, Murad Quluzadə (hamısı "Baku Fire"), Oqtay Mahmudzadə (U-19).
Qeyd edək ki, Yevgeniu Kukseviçin baş məşqçisi olduğu komanda 6 noyabrda Özbəkistanla, iki gün sonra isə meydan sahibi Səudiyyə Ərəbistanı ilə görüşəcək.
İslamiadanın rəsmi açılış mərasimi noyabrın 7-də, bağlanış tədbiri isə 21-də baş tutacaq.
VI İslam Həmrəyliyi Oyunları
A qrupu
4 noyabr
17:00. Liviya – Azərbaycan
Ər-Riyad. "Şahzadə Feysəl ibn Fərhad Olimpiya Kompleksi".
