Bakı, 3 noyabr, AZƏRTAC
İtaliyanın “Fiorentina” komandasının baş məşqçisi Stefano Pioli vəzifəsindən ayrılıb.
AZƏRTAC xəbər verir ki, bu barədə İtaliya mətbuatı məlumat yayıb. Buna kollektivin uğursuz çıxışı səbəb olub.
Artıq hər iki tərəf müqavilənin ləğvi ilə bağlı danışıqlar aparır.
60 yaşlı italyan mütəxəssis bu mövsüm A Seriyasında qələbə qazana bilməyib. “Fiorentina” 10 turdan sonra 4 xalla 19-cu yerdə qərarlaşıb.
Qeyd edək ki, Stefano Pioli bu ilin yayından Florensiya təmsilçisində işləyirdi.
